Rafgeymar

Rafgeymar - Er rafgeymirinn þinn afhlaðinn? 

Nú þegar vorar eru hin ýmsu tæki dregin fram úr vetrardvala og lenda menn þá oft í þeirri aðstöðu að allt er rafmagnslaust þ.e. rafgeymarnir eru afhlaðnir.

Það er eitt það versta sem rafgeymir „lendir“ í er að standa afhlaðinn án þess að fá hleðslu/viðhaldshleðslu.

Það er ekki það versta fyrir rafgeyma að afhlaðast, heldur er það tíminn sem að rafgeymirinn stendur afhlaðinn. Eftir tvær vikur c.a. afhlaðinn er það farið að hafa varanleg áhrif á rýmd rafgeymisins.

Rafgeymir sem að afhleðst og er hlaðinn strax aftur er yfirleitt í góðu lagi og er því mjög miklivægt að eiga gott sjálfvirkt hleðslutæki/vaktara. Passa þarf að hleðslutækið sé hentugt að stærð fyrir þann/þá rafgeymi/a sem hlaða skal.

Afhlaðinn rafgeymir er með daufa sýru (næstum vatn) og því viðkvæmur kulda (frosti -3°C)

Fullhlaðinn rafgeymir (12.6V eða yfir) er með sterka sýru og því mjög frostþolinn (-68°C)

Geymir sem er lengi afhlaðinn myndar súlfíðkrystalla á blýplötur sem ekki er mögulegt að breyta í uppleysanlegt súlfíð og blandast því ekki við vökvann í rafgeyminum og lækkar því sýrustig vökvans ásamt virku flatarmáli blýplatnanna og kemur því til með að minnka það magn af rafmagni sem rafgeymirinn geymir. Rýmd rafgeymisins minnkar.

Afhleðsla rafgeymis – Sýra breytist í fast efni (súlfíð) – bindur sig í blýplötur

Hleðsla rafgeymis – Súlfíð leysist upp og blandast vökva (verður sýra)

Uppbygging rafgeymis

H2SO4 – brennisteinssýra (sulfur oxide)
Pb – blý (lead)
Pb02 – blýoxíð (lead sulfide)
SO2 – súlfíð (sulfide)
H2O – vatn (H2 hydrogen – O súrefni)

Afhleðsla rafgeyma sem standa í tæki getur verið allt að 7%-9% á mánuði og jafnvel enn meiri ef að útleiðsla í tækinu er mikil. Eins eru sum tæki sem eru að nota straum af ýmsum ástæðum þó að ekki sé „svissað“ á.